علم نفس الاصلاح السياسي
Monday 9 May 2011
, Posted by Shaheen at 18:21
اكيد مافي علم بهذا الاسم ..
الموضوع وما فيه هو ردة فعل "النخب" على مطالب الاصلاح او الناس اللي معتربة حالها نخب ..سياسية اجتماعية او ثقافية .
الغريب انه في سياسين معارضين تعاملوا مع المد البشري اللي بدأ يهتم بامور البلد ويتعاطى سياسية (مش مخدرات) على انهم منافسين ورايحين يسرقوا الكار. .مع انه اي سياسي يمتلك قدر من الواقعية والمنطقية المفروض انه يفرح بازدياد الوعي العام خاصة لدى الشباب.
الان ..المثقفوون ..بعض المثقفين .".للاسف ما بحب استعمل هالكلمة لكن مضطر الها" ..مش مستنظف يحكي مع الاصلاحين الجدد او مش مقتنع انه في غيره على هذه الارض صار الهم لسانات ويحكوا . يا اخي شو نفع العلم والثقافة اذا بدك تظل معزول عن الناس وتحكي معهم من رووس مناخيرك؟ تواضع وانزل على الارض وشوف الشباب اللي عندها علم وثقافة لكن ما بتتبجح فيها.
مسؤولو الدولة وكبار الموظفين ..ردة فعلهم تتلخص بعبارة " هظول المفاعيص بدهم يعلمونا شغلنا؟؟ اي كنا في الحكومة لما كانوا في الحفاظات" طبعا يامعاليلك الك زمان في الحكومة ولا هي البلد خربت من اشي قليل ؟؟ لهولاء نقول ..الشباب اللي مش عاجبينكم في منهم اصحاب شركات اسسوها بانفسهم ومنهم مدراء ومهندسين مسؤوليين عن اموال اكثر من ميزانيات وزراتكم ودوائركم ..تواضعوا وانزلوا على الارض بلكي بتتعلموا اشي.
أنا الكل و الكل أنا
شعار هؤلاء!
:(