عجز الموازنة وضرائب جديد
Wednesday 3 February 2010
, Posted by Shaheen at 20:46
الاخبار اللي بتتسرب من الحكومة عن الوضع المالي مخيفة, والعنوان العام انه عام 2010 رح يكون اسوأ من المتوقع, لتبسيط الموضوع وتجنب المصطلحات المضللة بحاول تلخيص الموضوع في نقاط:
- ميزانية ال2010 الموضوعة من الحكومة السابقة " خطأ" يعني تخبيص وشغل اي كلام . الحكومة الحالية اكتشفت دفعات مترتبة على الحكومة قدرها 400 مليون دينار لم يتم حسابها في الموازنة!
- الرقم السابق بيرفع العجز ل1,100 مليون دينار فقط وبعدنا باول السنة والمفاجأت قادمة.
- المساعدات" المتوقعة "هذا العام 330 مليون بينما فعليا لاتوجد تعهدات من الجهات المانحة باكثر من 170 مليون. والعائدات اقل ب 250 مليون دينار فقط,
- للتغطية الخوازيق الفاضحة. الحكومة بترفع الضرايب: على الاتصالات مجموع الضرائب رح يصل ل 25%, كرت شحن 5 دينار ,سعره رح يصير سعره 6.25.
- الكلام عن ضريبة البنزين رجع للواجهة وجرة الغاز هدف متوقع لرفع الدعم.
وللحديث بقية ..
طيب ليش رواتب الوزراء وسياراتهم ما حد بحكي عنها اشي يقللوها شوي بس شغالين بالناس وزيادة الضرائب عليهم ؟
الله يعين العالم
على ذكر السيارات
وزير المالية الجديد اللي مفرض يعدل الحال المايل اشترى سيارة مرسيديس 2010 طلعت على الحكومة ب 100,000 دينار
قربة مخزوقة